Туннэ артистъёс нырысьсэ потӥзы костюмъёсын, кудъёсыз нимысьтыз дасямын «Ой, чебер нылъёс» крезьгуро комедилы. Выль дӥсез учкизы-дунъязы пуктӥсь режиссер Константин Ложкин, пуктӥсь художник Марина Самсонова, постановочной люкетэн кивалтӥсез Ольга Глухова, театральной цехъёсын ужасьёс. Декорациос лэсьтӥсько ай, уг тырмо на головной уборъёс, пыкдкутчанъёс, чыры-пыры арбериос, тыл но пуктэмын ӧвӧл на, но сотэк но али ик валано кыӵе яркыт, тунсыко, учкымон луоз премьерной спектакль. Али костюмъёс бордын ужъёсты азьланьтозы на. Дыр туж ӧжыт, премьера дорозь кылиз толэзь гинэ на. Выль спектаклез учкыны луоз 23-тӥ куартолэзе.