Глафира Николаевна Никольская – педагогической тодосъя доктор, профессор, Россияысь но Удмурт Элькунысь тодос удысысь сӥё-дано ужась. Педагогической но мерлыко тодосъя Акадмиялэн ёзчиез. Гожтӥз кыксюлэсь ятыр тодос уж. Озьы ик Щепкин нимо Вылӥ театральной дышетсконни (институтын) актер факультетлэн удмурт студияосын удмурт кылъя но литературая дышетӥсь луыса ужаз. Вуоно актёръёслы со кыкетӥ анай кадь луиз, котыртӥз соосты ӟеч мылкыдэныз, шунытлыкен но яратонэн. Глафира Николаевна туннэ нуналозь тунысыкъяське Удмурт театрлэн ужъёсыныз, эскере выль постановкаосты, сюлмаське «нылпиосыз» понна. Та сэрен йырин ми шуиськом Глафира Николаевналы «Бадӟым тау», сӥзиськом юн тазалык, шуд-дэлет.

Туннэ юбилеез улсын Удмурт театырын ортчиз научно-практической конференция, озьы ик конференцияе пыриськисьёс быгатӥзы адӟыны «Лемелет Исьтапанлэн зарниез» комедия.