18 коньывуонэ ортчиз Кузьма Алексеевич Ложкинлэн юбилеезлы сӥзем ужрад! Кузьма Ложкин – Элькунамы нырысетӥ профессиональный режиссер, РСФСРысь сӥё-дано артист, таланто актер но кырӟась. К.А. Ложкин – нырысетӥез удмуртъёс пӧлысь, кин басьтӥз профессиональной театральной образование.

Нырысетӥ пуктэм пьеса – «Вало ӧр куашетэ» (И.Г.Гаврилов). Спектакльлэн премьераез вал 7 тулыспалэ 1931 арын – та нунал Удмурт театрлэн Вордскем нуналэз луиз.

Кузьма Алексеевичлэн 115 ар тырмонэзлы сӥзьыса вордскем музъём вылаз - Зар-Медла шоръёзо школаын ортчиз туж тунсыко ужрад, кудаз ӧтизы театрмес но. Ортчиз гримен шонер вырон мастер-класс, Елена Сунцова но Геннадий Бекманов возьматӥзы "Жингрес сизьыл" спектакльысь пичи люкетсэ. Антон Васильев возьматӥз ас киын лэсьтэм крезьгуро инструментъёссэ но шудӥз Кузьма Ложкинлэсь тодмо кырӟанъёссэ.

Дышетӥсьёс но дышетскисьёс радъязы но ортчытӥзы туж усто ӝыт - кырӟазы но, серемес миниатюра но возьматӥзы. Вань ӧтем куноослы кузьмазы ас кинын лэсьтэм брелокъёс.

Кырӟась, актёр но режиссерез – дано адямиез сӥлы карыса – барельеф дораз сяськаос понӥзы. Туж ушъямон, адямиос данъясько но тодазы ваё землякъёссэс! Тау шуиськом МБОУ

«Заречномедлинская СОШ» ми но та праздниклэн пичи люкетэз луыны быгатӥм шуыса!