9-тӥ мае 95 арес тырмысал УАССР-ысь дано артистлы Иван Иванович Кудрявцевлы

(09.05.1922 – 17.11.1994)

Вордскиз со Можга ёросысь Чурайгуртын. Пыриськиз Быдӟым войнае, Горд Кизили орденлэн кавалерез. Война бырем бере, 1951-тӥ арын, йылпумъяз Ленинградысь А.Островский нимо театральной институтэз. Собере ужаны кутскиз Удмурт драмтеатрын. Татын шутэтскыны потытозяз,1982-тӥ арозь. Тыршиз. И.Кудрявцев быгатӥсь артист вал. 1961-тӥ-1962-тӥ аръёсы Ленинградысь М.Горький нимо театрын тодмо режиссер Г.Товстоногов дорын тодон-валан люкакуз, пуктӥз А.Штейнлэсь «Океан» спектакльзэ. И.Кудрявцевлэн тужгес но яркытэсь рольёсыз - Ядыгаров (В.Садовников но М.Тронин «Меӵ яр дурын»), Гриша Грачёв (И.Гаврилов «Жингрес сӥзьыл»), Пирогов (С.Широбоков «Ой, чебер нылъёс»), Тетерев (А.Горький «Мещане») но мукет. Со сюлэсь ятыр пӧртэм образъёс кылдытӥз. 1958-тӥ арын Иван Кудрявцевлы Удмурт АССР-ысь дано артист ним сётӥзы.