Туннэ 20-тӥ инвожое Йӧскалык театрын собрание ортчиз. Театрлэн кивалтӥсез А.И.Ураськин тодматӥз 2018-тӥ ар понна театрлэн ужаменыз, выль вормонъёсыз сярысь вераз. Озьы ик выль сезонлы быдэстоно ужпумъёсты шараяз.Театрлэн валтӥсь режиссёрез А.А.Ложкин пусйиз выль сезонлы пуктыны малпам спектакльёсты. Валтӥсь бухгалтерлэн воштӥсез М.Н.Чиркова финансовой люкетэныз тодмтӥз. Али театр дасяське ни выль сезонлы. Сцена вылын Владимир сафонов режиссёрлэн кивалтэмез улсын "Мертвые души" спектакльлэн репетициосыз мыно. Премьераез ортчоз 20-тӥ куарусёнэ. Отпуск бере Алексей Ложкин кутскоз ужаны "Васлей" спектакль бордын. Пьесазэ гожтӥз егит драматург, Мунё театрысь артист Сергей Антонов. 2017-тӥ арын Пичи залын солэн пьесаезъя пуктэмын вал "Пуны" драма. Выль арлы театр шумпоттоз выль уженыз - Дамир Салимзяновлэн пьесаезъя "Веселый Рождер" нимо нылпи спектакль пуктоз. Выль ар шутэтскон нуналъёс бере Москваысь нимысьтыз ӧтем режиссёр Андрей Цисарук ужаны кутскоз "Бедность не порок" спектакль бордын. Куарусёнэ гастрольёсын лыктоз Карелиысь театр.