Нылпиослы театр нимысьтыз дасяз Выль ар программа - интермедия но "Морозко" выжыкыл (0+).

Выль арлы сӥзем ужрадъёс кутскозы 20-тӥ толсуре. Фойеын чеберъятэм Выль ар кыз дорын пиналъёс пумиськозы Тол Бабайен, Лымы нылэн но мукет тунсыко персонажъёсын. Озьы ик кыз котырын ортчозы пӧртэм шудонъёс, шулдыртозы кырӟанъёс но эктонъёс. Та сяна, куноосты возьма на "Морозко" нылпи выжыкыл. Режиссёрез К.Ложкин но художникез О.Глухова тросэзлы тодмо ини "Бременские музыканты" но "Волшебник Изумрудного города" аспӧртэмлыко пуктэм ужъёсынызы. Таиз но ужзы - туж тодмо но яратоно выжыкыл пуктэмын выль сямен.

Выль ар шулдыръяськонъёс Йӧскалык театрын ортчозы 20-тӥ толсурысен кутскыса 30-тӥ толсурозь но 2-тӥ толшорысен 8-тӥ толшорозь. Кутсконэз - 10 но 13 час.