Туннэ, 26-тӥ оштолэзе, актрисалы Ольга Чайниковалы тырмысал 60 арес.

Вордскиз со Можга ёросысь Чужъем гуртын. Дышетскиз Пазял но Бадзым Уча школаосын. 1976-тӥ арын школаез йылпумъяса ужаны кутске Ижмаш заводын. Ваньмон дыръяз ветлэ вал Удмурт калык театре. Удмурт драмтеатре сое ӧтизы 1978 арын. Ольгалэн нимысьтыз образованиез ӧй вал ке но, со тунсыко но яратоно актриса луиз. Театрын возьматӥз ассэ лэчыт характеро актрисаен, висъяскылӥз туж зеч шӧдонэныз, суч-суч калык манерен вераськон кылыныз. Удмурт театрлэн сцена вылаз со ог 30 роль пала шудӥз. Валтӥсь рольёсыз - Ольга («Гром» А.Перевощикова), Матильда («Насьток но Исьток» Е.Загребина), Бабка («Семейный потрет с посторонним» С.Лобозерова), Матрон («Атас Гири» А.Григорьева) но мукет.

Актриса улонысь кошкиз 1997-тӥ арын 15-тӥ шуркынмонэ. Солы 38 арес гинэ вал.