4 коньывуонэ вордскемез дырысен 95 ар тырмысал Михаил Петрович Покчи-Петровлы. Со вал кылбурчи но усто режиссёр.

Михаил Петрович вордскиз Можга районысь Бадӟым Сибы гуртын. 7 классэз йылпумъямез бере, пияш лыктэ Ижевске но удмурт театре пыре. Соку ик массовой сценаосы поталляз. Бöрысьгес берытске Можгала, дышетске педучилещеын, сое йылпумъяса, дышетскыны пыре Удмурт пединститутэ. 1951-тӥ арын Михаил Петрович дышеткыны кутске Мокваысь А.В. Луначарский нимо театральной институтын. Режиссер луыны солы юрттӥз СССР-ысь калык артист Юрий Завадский.

1956-тӥ арын со лыктэ Удмурт театре режиссер луыса. Театрын Михаил Петрович вань творческой кужымзэ сётыса ужаз асьме национальной театральной искусствоез азинтон удысын, сюлмаське вал выль пьесаос пумысен но. Солэсь С.Широбоковлэн «Чукдор», И.Гавриловлэн «Шунды ӝужаз», А.Островскийлэн «Пучина», А.Арбузовлэн «Таня» но мукет пьесаоссыя пуктэм спектакльёсты Удмурт театре ветлüсьёс ӝутскем мылкыдын учкылüзы.

Театральной искусство но литература удысын умой ужамез понна Михаил Петрович Покчи-Петров пусъемын вал «За трудовое отличие» медален. УАССР-лэн Верховной Советэзлэн Президиумез солы сётüз «Удмурт АССР-лэн икусствоосъя дано ужась» ним. Улонысь кошкемез бере Покчи-Петровлы сётэмын Удмурт шаерысь комсомоллэн премиезлэн Лауреат ним.

1959 арын 26 инвожое Михаил Петрович улонысь кошкиз. Солы соку 29 ар но öй вал на.