30-тӥ инвожоысен 3-тӥ пӧсьтолэзёзь Удмурт театрын ортчизы Щепкин нимо Вылӥ театральной училищее пырон экзаменъёс (Кознов Дмитрий Дмитриевичлэн курсэз).

Ӝоген вожвылъяськонэз ортчем абитуриентъёслэн нимъёссы официальной косэтэн юнматэмын луозы.

Тодады вайытом, абитуриентъёс куинь экзамен сётӥзы. Нырысетӥез - пластикая экзамен. Кыкетӥез - «Актёрлэн мастерствоез» экзамен. Абитуриентъёс дышетӥсьёсты асьсэлэн быгатонлыкенызы паймытылӥзы: лыдӟизы кылбур, басня, прозаысь люкетъёсты, кырӟазы, эктӥзы, пичиесь этюдъёс, зарисовкаос возьматъязы. Берпуметӥез - коллоквиум (собеседование). Таиз экзамен эскерэ абитуриентъёслэсь тодон-валанзэс, культурной уровеньзэс, дунне шоры учконзэс. Пырисьёслы пӧртэм удысъёсын герӟаськем юанъёс сётъяло: литература, драматургия, изобразительной искусство, театр, крезьгур, история, география но мукет.