Удмурт театрын кулиса сьӧры вуылыны луонлык кылдӥз «Пушкинской карталэн одӥг нуналыз» ӵектосъя улсын.

Ижкарысь 17-тӥ номеро школаысь 10-тӥ классын дышетскисъёс тросгес тодӥзы театрлэн улонэнэз сярысь, пыразы цехъёсы, матынгес тодматскизы суредасьёслэн, вуриськисьёслэн, костюмеръёслэн, бутафоръёслэн уженызы, со сяна потазы сцена вылэ но учкизы Финист – Ясный сокол» выль выжыкыллэсь репетицизэ.

Кулиса сьӧртӥ экскурсия юрттӥз пиналъёслы театральной дуннее выйыны, шер творческой ужудысъёсын тодматскыны.