«Ой, чебер нылъёс» спектакльлэн премьераез дорозь ОДӤГ нунал гинэ кылиз на.

Возьматон ортчоз ӵуказе ни – 23-тӥ куартолэзе 18 час.30 мин.

Тодады вайытом, режиссерез театрыcь егит артист Константин Ложкин («Мы - эхо», «Бременские музыканты», «Волшебник Изумрудного города», «Морозко»), суредасез егит актриса Марина Самсонова («Сон в летнюю ночь», «Ватос но гипноз», Жингрес сӥзьыл» («Звонкая осень»).

Агроном Гирой Матвеич котыр ласянь синмаськымон: йӧно, чебер, ужась, быгатэ усто вераськыны но аслыз синмаськытыны, вакчияк вераса, «гуртысь тужгес но син шоры йӧтымонэз казакпи», но одӥг гинэ пиртэшез вань – егит чебер нылэз адӟе ке, соку ик синмаське. Анаезлэн сюлворемезъя, егит адями кышнояськыны кылзэ сётэ. Вуоно кузпалзэ, егит но чебер бухгалтерез Соняез, яратӥсько но гажасько шуыса, кышнолы кура. Епифановна, Гиройлэн анаез, шумпотэмын: пиез табере «визьмаськиз» но солы кен ваёз, нылаш солы туж кельше. Быръемын ини сюан нунал, вань ӵыжы-выжыоссы солы дасясько, но тупаны но кулэ ук, соослэн гуртазы витьымтэ шорысь выль ужась вуэ – чебер но синмаськымон нылаш Тоня…

.