Быдэс дуннеын удмурт кыллэн нуналыз пусйем улсын Йӧскалык театр мылкыд карисьёслы луонлык сётӥз «Васьлей» спектакльлэн репетицияз пукыны но театрлэн закулисье палаз экскурсие пыриськыны. Ужрадэ пыриськисьёс пӧлысь одӥгъёсыз зрительной залэ кылизы репетициез учкыны, но мукетъёсыз театрлэн мукет палаз шонтӥзы. Экускурсия дыръя соос быгатӥзы тодматскыны пошивочной, костюмерной, пастижерской, реквизиторской цехъёсын, пыразы Пичи залэ но валтӥсь сцена вылэ потазы. Та нуналэ театр ӧсъёссэ усьтӥз ваньзылы, кин гажа удмурт калыкмылэсь кылзэ, культуразэ но тунсыкъяське Удмурт театрен.