Владимир Галактионович Короленкоез тодэ вайыса Йӧскалык театрын 27-тӥ коньывуонэ возьматэмын луоз «Мултан уж» спектакль. Таяз арын тодмо ӟуч писательлы, Мултан ужын янгыше юнме шорысь уськытэм удмуртъёсты утисьлы вордскем дырысен 165 ар тырмысал. Спектакль А.Блиновлэн пьесаезъя пуктэмын, нош пьеса гожтэмын М.Петровлэн "Вуж Мултан" повесть вылэ пыкиськыса. Повестьын зэмос ужрадъёс возьматэмын. Спектакльын Короленколэсь рользэ Алексей Ложкин шудэ.