Йӧскалык театрын Выль ар ужрадъёс кутскизы. 18-тӥ толсурысен 9-тӥ толшорозь (30-тӥ толсуре но 1-тӥ толшоре гинэ уз ортче) возьматэмын луоз «Финист – ясный сокол» (6+) выль выжыкыл.

Спектакльын шӧдӥське вордскем шаерез яратон мылкыд, соин со тунсыко но пайдаё луоз пиналъёслы но, арлыдоослы но. Угось яратон, эшъяськон сярысь мадёс ӟырт кезьыт тол нуналъёсы но шунтыны быгатоз, шумпотон но ваёз.

Сямъя шулдыръяськон нуналъёсы спектакль азьын ортчоз интермедия: учкисьёсты шулдыртозы Тол Бабай, Лымы Ныл но шулдыръяськисьёс-маскарчиос.

Со сяна, 26-тӥ, 27-тӥ но 30-тӥ толсуре «Выль ар уе…» (12+) театрализованной концерт ортчоз.

Кин яратэ тодэ вайытӥсь туспуктэмъёсты, соосты лэсьтыны луоз фотозонаын но Выль ар кыз вӧзын.

Билет басьтыны луэ кассаын но театрлэн сайтаз.

<iframe src="https://vk.com/video_ext.php?oid=-45761956&id=456239548&hash=47639098d2962ed2" width="640" height="360" frameborder="0" allowfullscreen="1" allow="autoplay; encrypted-media; fullscreen; picture-in-picture"></iframe>

<iframe src="https://vk.com/video_ext.php?oid=-45761956&id=456239549&hash=a75ccbf4414c7c0b" width="640" height="360" frameborder="0" allowfullscreen="1" allow="autoplay; encrypted-media; fullscreen; picture-in-picture"></iframe>