Туннэ, 30-тӥ южтолэзе Йӧскалык театрын радъяськиз «Бадӟым удмурт диктант» (вакчиятыса БУД). Таяз арын текст сӥземын Театрлэн арезлы. Гожтӥз сое артист Алексей Котков. Диктантэз гожтон азьын театрлэн кивалтӥсез Андрей Иванович Ураськин пусйиз ужрадлэсь кулэлыксэ, сӥзиз диктантэ умой гожтыны но ӧтиз «Эрико яратон» комедиез учкыны. Диктантлэсь текстсэ лыдӟиз Россиысь дано артистка Фаина Будина. Диктантэз гожтонъя площадкаос усьтэмын вал на Эшъяськон юртын но УдГУ-ын, отын текстъёсты лыдӟизы театрысь артистъёс Вячеслав Красноперов но Алексей Котков.