Сентябре ортчизы "Бадӟым гастрольёс", октябрь толэзе Театральной искусстволы сӥзем нуналъёс, нош азьпалан возьмало премьераос.

Нырсетӥез премьера "Меӵ яр дурын" крезьгуро комедия луоз. Со пуктэмын В.Садовниковлэн пьесаезлэн мотивезъя. Театр та пьеса борды кыкетӥзэ басьтӥськиз ни. Со пуктэмын вал 1954-тӥ арын режиссёрен Кузьма Алексеевич Ложкинэн но суредасен Георгий Ефимович Векшинэн. Выль спектакль бордын тыршо драматург Сергей Антонов, режиссёр Константин Ложкин, суредась Андрей Стародумов.

Спектаклез возьматон чакламын 28-29-тӥ шуркынмонэ.

Чаклам арлыдыз: 12+.

Выль ар праздникъёслы театр дася "Финист ясный сокол" нылпи выжыкыл. Пуктӥсез Алексей Ложкин, суредасез Ольга Моторина. Котькудӥз тодэ на, дыр, та выжыкыллэсь мадёссэ. Но дасяське! Татын возьмалозы сюжетэз мудронъяса азинтон, юнматэм спецэффектъёс, палех стилен лэсьтэм декорациос но буёло костюмъёс. Выжыкыл нылпиослы но анай-атайёслы бадӟым кузьым луоз.

Чаклам арлыдыз: 6+.

Толсуре "Выль ар уе" театрализованной концерт ортчоз. Шулдыръяськонэ пыриськозы театрысь но эстрадысь артистъёс.

Чаклам арлыдыз: 12+.

Гажано эшъёс, витиськом тӥледыз! Театр, лулчеберет но устолык мед мылкыд сётозы но ваньзэсты герӟалозы. Пумиськытозямы!