Йӧскалык театрысь артистъёс Максим Григорьев, Иван Плотников, Роман Болтачев но Вадим Дмитриев «Серебряная шпага» калыккуспо фестивальын нимысьтыз приз басьтüзы. Ужрад Москваын 20-21 оштолэзе ортчиз. Актеръёс удмурт кылын «Пумиськон» номерзэс возьматüзы. «Серебряная шпага» фестиваль аспӧртэмлыко но тунсыко ужрад луэ. Сцена вылын нюръяськон техникаез сяна, возьматоно на артист устолыкез, дüськутэз, возьматонлэсь пуштроссэ, сюжетсэ. Оглом вераса, шпагая пичи спектакль пӧрмытоно. Таяз арын фестивале туж трос ӵошатскисьёс пыриськизы. Вуизы Россиысь но пӧртэм кунъёсысь(Великобританиысь, Италиысь, Испаниысь, Франциысь, Эстониысь, Казахстанысь, Моноглиысь) актеръёс но вылü театр дышетсконниосысь студентъёс. Ужрадын 38 номеръёс возьматэмын вал. Ужъёссэс дунъязы Россиысь, Чехиысь но Великобританиысь ӧтем ӧнерчиос. Вормисьёсты «Лучший бой», «Лучший оригинальный бой», «Лучший исполнитель», «Лучшая исполнительница» номинациосын пусйизы. Со сяна, яркыт но усто номеръёс нимысьтыз призъёс утüзы. Удмурт театрысь артистъёс та фестивале нырысьсэ уг пырисько ни. 2013-тü арын соос «За лучшее исполнение боя» номинациын устосыз луизы, 2015-тü арын Россиысь театр искусствоя институтлэн (ГИТИС) кивалтüсезлэсь нимысьтыз кузьымзэ басьтüзы. Фестиваль театрализованной гала-концертэн йылпумъяськиз, отын ик вормисьёслэсь нимъёссэс ялüзы. Асьме артистъёсмылы нимысьтыз приз сётüз фестивальлэн кивалтüсез Айдар Закиров. Сцена вылысен артистъёсмы залын учкисьёслы, Щепкин нимо училищеысь фехтованиея дышетüсьёссылы но ужрадэз ортчытüсьёслы тау кылъёссэс веразы.

ӞЕЧКЫЛАСЬКОМ!!!

<iframe width="560" height="315" src="https://www.youtube.com/embed/LQDKU3K_ocs" frameborder="0" allowfullscreen></iframe>