20-тӥ шуркынмонэ Удм.Элькунысь дано артистлэн Апполос Иосифович Перевощиковлэн вордӥськемез дырысен 95 арес тырмысал (20.11.1922-01.07.2011).

Апполос Иосифович – Вить Горд Кизили, 1 степенё Отечественной война орденъёслэн, «За отвагу» медалъёслэн кавалерзы, Удмурт АССР-ысь дано артист.

Апполос Перевощиков вордскиз Дэбес ёросысь Уйвай черкогуртын бадзым крестьян семьяын. Лазарь агаезлэсь адзем карыса, сизьым классэз йылпумъяз но крезьгуръя училище пыриз. Вакытэз соку секыт вал бере, дышетсконзэ йылпумъямез öз луы, гуртаз берытскиз, но война кутскемен, оже öтись кагаз вуиз. Тушмонэн нюръяськыны егит офицер кутскиз 1942-тü арын Северо-Западной фронтын. Собере пыриськиз на Курской дугаын ожъёсы но. Наградаоссэ Апполос Иосифович басьтüз Украинаысь Кировоград котырын, Ясско-Кишиневской операциын, Будапешт дорын, Дальний Востокын ожмаськыкуз. Вить Горд Кизили орденъёс офицерлы сётэмын ожъёсын кышкасьтэм луэмез понна.

1947-тü арын Горд Кизили орденъёслэн кавалерзы театре вуиз. Ньыльдон ар чоже Удмурт театр со понна кыкетü дор луиз. 1983-тü арозь Апполос Иосифович 100 пала рольёсты быдэстüз. Соос пöлын – Ондрюша («Улэм потэ»), Дерюгин («Пиштэ ке но, уг шунты» А.Н.Островский), Иван Иваныч («Исьток но Насьток» Е.Е.Загребин) но трос мукет.

Со сяна, Апполос Иосифович драматургиын но ассэ эскериз: «Эн вуныты тае», «Сюлэм жугиське» но «Гудыри» пьесаос гожтüз. Соос ваньзы Удмурт театрлэн сцена вылаз пуктэмын вал.