05.03.2025 г.

Абитуриентъёслы: дышетскыны набор

Москваысь Щепкин нимо Вылӥ театральной училищее (институтэ) пырыны мылкыд карисьёслы усьтэмын онлайн-регистраци.

Со понна анкетаез быдэстоно ВКонтакте ( кнопка «Анкета абитуриента»)яке театрлэн вотэсбамаз (кнопка «Набор на обучение»)

Тодады вайытӥськом, пырон экзаменъёс сётыны луоз инвожо толэзе 2025 арын Удмурт театрын.

Одно ик, театральной институтэ пырон понна ӟуч кылъя но ЛИТЕРАТУРАЯ ЕГЭлэн результатъёсыз луыны кулэ.

Юанъёсъя жингыртоно (3412) 78-18-16 (приемная), 51-17-75 (Панфилова Наталия Ивановна)

e-mail: udmteatr@yandex.ru, nacteatr@yandex.ru

Пыр-почгес:

Ялӥськом Щепкин нимо Вылӥ театральной училищее (институтэ) (Муско) дышетсконэ кутон!

Удмурт Элькунысь лулчеберетъя министерство, Удмурт Элькунысь йӧскалык кун театр но Щепкин нимо Вылӥ театральной училище (институт) валче кариськыса, абитуриентъёслы нош яло «Актерское искусство» ӧръя целевой набор.

Экзаменъёс ортчозы инвожо толэзе 2025 арын Удмурт театрын, Ижкар, М.Горький ульча 73 адресъя.

Щепкин нимо училищеысь приемной комиссиялэсь но курслэн кивалтӥсьлэсь лыктон дырзэ вераломы бергес.

Экзаменъёс ортчозы азьло сямен ик: куинь эскеронэз ӟеч ортчоно – творческой (мастерство артиста), профессиональной, собеседование (коллоквиум).

Творческой эскерон (мастерство артиста):

2 басня (удмурт но ӟуч)

2 кылбур (удмурт но ӟуч)

2 люкет прозаысь (удмурт но ӟуч)

2-3 кырӟан яке романс (фонограмматэк, асьтэос ас мылкыддыя аккомпанемент карын быгатӥськоды).

Кырӟан – со куараез эскерон гинэ ӧвӧл, со абитурентлэсь слухсэ но ритм шӧдонзэ чакла. Огшоры капчи кырӟан бырйыны быгатӥськоды.

Умой луысал программаяды пӧртэм жанрысь произведениос кутэмын луизы ке.

Профессиональной эскерон:

Пластической этюд. Таиз люкетлы юри дасяськоно ӧвӧл. Абитуриент дась луыны кулэ лэсьтыны кординацилы, реактивностьлы, пластичностьлы упражнениос.

Собеседование:

Коллоквиум (юанъёс поттэмын луозы Щепкинской училищелэн вотэсбамаз 1 шуркынмон 2024 бере https://shepkinskoe.ru/)

Творческой эскерон сяна абитуриентлэн ӟуч кылъя но литературая ЕГЭлэн результатъёсыз луыны кулэ.

Мылкыд карисьёслы азьло ик школаын ялоно ӟуч кылын но литератураен экзамен гожтон сярысь. Татчы ик пыро азьло дыре школаез йылпумъямъёс но, кинлэн ӧвӧл ЕГЭ результатъёсыз.

ЕГЭтэк быгато пырыны абитуриентъёс, кинлэн вань ини средний яке высший специальной образованизы, соосын собеседование манер ортчытозы ВУЗлэн дышетӥсьёссы «Ӟуч кыл» но «Литература» предметъёсъя.

Вань эскеронъёс дунъясько 100-балъем шкалаен. «Ӟуч кыл» но «Литература» предметъёсъя пичиез проходной балл котькуд ар пуктэ Министерство образования (кылем арын вал 40 балл). Вань ватсам творческой эскеронъёс – 30 балл.

Эскеронъёсы пыриськись абитуриентлы таӵе документъёс бичаны кулэ:

Дышетсконэз йылпумъям сярысь документ (средний (полной) общий образование сярысь аттестат яке диплом);

эмчилэсь справка (форма 286 яке 086), таяз арлэн датаеныз;

8 туспуктэм 3х4 размеръя (йырады головной убортэк, матовой бумага вылын);

Паспортлэн копиез (вань гожъяса тырмытэм страницаосын);

копия СНИЛС;

пиослы приписной свидетельстволэсь яке военной билетлэсь копиязэ (вань гожъяса тырмытэм страницаосын).

Документъёс сётон понна кулэ потыны Удмурт театрын ПРЕДВАРИТЕЛЬНОЙ ОНЛАЙН-РЕГИСТРАЦИЕЗ . Со понна кулэ гожтыны анкета вотэсбамамы http://udmteatr.ru/ яке ВКонтакте https://vk.com/udmteatrr

Пырон эскеронъёсты ортчем абитуриентъёсын гожтэмын луоз целевой договор, дышетсконзэ йылпумъям бераз йӧскалык кун театрын «Артист драматического театра» луыса ужалоз шуыса.

Дышетсконо луоз Мускоын.

Дышетскон дыр – 4 ар

Вань студентъёслы сётӥське общежитие.

ГТРК «Удмуртия»_Иворъёс (04.02.2025)