Арнянуналэ, 19-тӥ шуркыномонэ, Йӧскалык театрын Удмуртиысь калык артистлэн, К.Герд нимо премилэн лауреатэзлэн Геннадий Бекмановлэн Юбилей ӝытэз ортчиз. Геннадий Иванович аслэсьтыз 60 арессэ пусйиз. Тодмо но яратоно артистэз, кырӟасез, крзьгурчиез ӟечкыланы лыктӥзы эшъёсыз, тодмоосыз, ӵыжы-выжыосыз. Озьы ик ӟечкыланы вуизы Удмуртиысь лулчеберетъя но туризмъя министр Владимир Соловьев но "Удмурт кенеш" ассоциацилэн тӧроез Татьяна Ишматова. Юбилей ӝытын Геннадий Иванович баянэн но баянтэк шудӥз- кырӟаз, тодаз вайылӥз улонысьтыз пӧртэм учыръёсты, сцена вылысен спектакльёслэсь люкетъёссэ видео пыр возьматылӥз, со сяна залын люкаськемъёсты шулдыртӥзы на ӝытэ вуэм куноос-артистъёс. Юбилей ӝыт туж шулдыр но шуныт ортчиз. Гажано Геннадий Иванович, сюлмысьтымы ӟечкыласьком Тӥледыз Юбилееныды но сüзиськом Тüледлы юн тазалык, шудбур, выль вормонъёс, мур пуштросъем рольёс!!!