Ужрад ортчиз Ижысь операя но балетъя театрын.
«Театр тулыс» фестивальлы но актёръёслэн ужъёссылы сӥзем «Премьер» конкурсэ пыриськизы шаерысьтымы 7 профессиональной театръёс. Культурая но туризмъя министр Владимир Соловьёв верамъя, спектакльёсты но артистъёслэсь шудэмзэс дунъяз Москваысь жюри. Озьы устоез спектакль луиз Операя но балетъя театрын пуктэм «Евгений Онегин», режиссёрез Филипп Разенков. «Устоез режиссёр уж» номинациын удалтӥз Глазовысь «Парафраз» театрысь режиссёрлы Дамир Салимзяновлы. «Устоез пиосмурт роль» вормонэз басьтӥз Удмурт театрысь артист Игорь Моисеев «Эрико яратон» спектакльын Мамбреттиез шудэмез понна. Удмурт театрысь актриса, Россиысь дано артистка Фаина Будина пусъемын «За честь и достоинство» номинациын. Нош актёръёслэн шудэмзылы сӥзем «Премьер» конкурсын вормисьёс пӧлы шедиз Удмурт театрысь егит артист Алексей Котков «Эрико яратон» спектакльысь Робертолэсь рользэ шудэмез понна.
газ.»Удмурт дунне» 29 марта 2016 г.