Государственный национальный театр Удмуртcкой Республики

  Пичи Пургаысь гожъяськисьёслэсь ужъёссэс лыдӟозы Йӧскалык театрысь артистъёс 21-тӥ южтолэзе  

21-тӥ южтолэзе 13 часын Удмуртиысь Йӧскалык театрысь артистъёс Пичи Пургаысь гожъяськисьёслэсь ужъёссэс лыдӟозы. Ужрад элькунын ялэм «Пичи Пурга ёрос литературалэн огъя нуналэз» акция улсын Кылбуретлэн дунневыл нуналаз ортчоз, озьы ик Россиын Театрлэн ареныз герӟамын луоз, ивортэ Йӧскалык лыдӟетъюртлэн пресс-службаез.

Йӧскалык театрлэн пичи залысьтыз сцена вылысь (Максим Горький нимо урам, 73-тӥ юрт, театре парк азбарысен пыроно) Пичи Пурга ёросысь гожъясьёслэн но кылбурчиослэн – Семён Самсоновлэн, Андрей Самсоновлэн, Никвлад Самсоновлэн, Семён Карповлэн, Владимир Возняковлэн, Любовь Тихоновалэн, Георгий Архиповлэн, озьы ик ёросысь дышетскисьёслэн ужъёссы чузъяськозы. Соосты удмурт но ӟуч кылын Йӧскалык театрысь артистъёс, озьы ик Пичи Пурга ёросысь потэмъёс, Екатерина Яковлева, Александр Баймурзин, Вадим Дмитриев, Игорь Моисеев, Константин Никитин лыдӟозы.

Ужрад улсын театръя экскурсия радъяськоз.

Тодэ вайытом, 21-тӥ южтолэзе «Пичи Пурга ёрослэн огъя нуналэз» акция быдэс элькунын ортчоз. Со нуналэ элькунысь вань муниципал кылдытэтъёсысь лыдӟетъюртъёсын Пичи Пурга ёросысь потэм гожъясьёслэн улонзылы но ужъёссылы сӥзем пумиськонъёс, флешмобъёс, тодматонъёс, квестъёс но мукет ужрадъёс ортчозы.

Анжелика Тихонова
18.03.2019
ИА«УДМУРТИЯ»